Saudi New Rules For Hajj Pilgrims: హజ్ యాత్ర ప్రతి ముస్లిం వ్యక్తి జీవితంలో ఒకసారి చేయాలని ఆకాంక్షించే పవిత్ర యాత్ర. ముఖ్యంగా రంజాన్ సమయంలో భక్తుల సంఖ్య విపరీతంగా పెరుగుతుంది. అయితే, 2025 హజ్ యాత్ర కోసం సౌదీ అరేబియా ప్రభుత్వం కీలక మార్పులు చేసింది.
ఈ ఏడాది హజ్ యాత్రకు వెళ్లే వారిపై కొన్ని నూతన నిబంధనలు విధించినట్లు సౌదీ హజ్, ఉమ్రా మంత్రిత్వ శాఖ ప్రకటించింది. ముఖ్యంగా పిల్లలతో హజ్ యాత్ర చేయడంపై పూర్తిగా నిషేధం విధిస్తూ నిర్ణయం తీసుకుంది. రద్దీ ఎక్కువగా ఉండడం, భద్రతా కారణాలను దృష్టిలో ఉంచుకుని ఈ మార్పులు తీసుకురాగా, మొదటిసారి హజ్ చేసే వారికి ప్రత్యేక ప్రాధాన్యత ఇవ్వనున్నట్లు తెలిపింది.
హజ్ యాత్ర కొత్త మార్గదర్శకాలు:
✔ పిల్లలను హజ్ యాత్రకు తీసుకెళ్లడం నిషేధం
✔ మొదటిసారి హజ్ చేసేవారికి ప్రాధాన్యత
✔ 2025 హజ్ సీజన్ కోసం నుసుక్ యాప్ లేదా అధికారిక వెబ్‌సైట్ ద్వారా దరఖాస్తు
✔ దేశీయ యాత్రికుల కోసం కొత్త వాయిదా విధానం – మొత్తం ప్యాకేజీని మూడు వాయిదాల్లో చెల్లించే అవకాశం
✔ 14 దేశాల ప్రయాణికులకు కేవలం సింగిల్ ఎంట్రీ వీసా మంజూరు
✔ అనధికారిక హజ్ యాత్రలను అరికట్టేందుకు కఠినమైన చర్యలు
హజ్ యాత్ర పట్ల ఆసక్తి ఉన్నవారు కొత్త నిబంధనలను పాటించి, సౌదీ ప్రభుత్వ మార్గదర్శకాలను అనుసరించాలని అధికారికంగా సూచించారు.
