BNPL: పే లేటర్ ప్లాన్లు- కొనుగోలుదారులకు మేలైన ఎంపికలు!
ఒకేసారి పెద్ద మొత్తంలో ఖర్చు చేయలేని వినియోగదారులకు Buy Now, Pay Later (BNPL) విధానం అనువైనది. వివిధ కంపెనీలు తమ కస్టమర్ల కోసం వడ్డీ లేని వాయిదాలు, సులభ ఈఎంఐలు, తక్కువ కాలంలో చెల్లింపు వంటి ప్రయోజనాలను అందిస్తున్నాయి. కొనుగోలుదారులు ముందుగా తమకు అనుకూలమైన BNPL ప్రొవైడర్‌ను ఎంచుకుని, 3 నుంచి 12 నెలల వరకు ఈఎంఐ ప్లాన్లను ఎంపిక చేసుకోవచ్చు.
ప్రముఖ BNPL సేవలు
అమెజాన్ పే లేటర్
అమెజాన్‌లో షాపింగ్ చేసినప్పుడు, డబ్బును ఈఎంఐల రూపంలో చెల్లించవచ్చు. 3 నుంచి 12 నెలల వరకు వాయిదాలను ఎంపిక చేయవచ్చు. నో-కాస్ట్ ఈఎంఐ సౌకర్యం కూడా అందుబాటులో ఉంది.
ఫ్లిప్‌కార్ట్ పే లేటర్
ఫ్లిప్‌కార్ట్ వినియోగదారులకు 48 నెలల వరకు ఈఎంఐ ఎంపికలు అందుబాటులో ఉన్నాయి.
ఐసీఐసీఐ పే లేటర్
ఐసీఐసీఐ బ్యాంక్ తమ ఖాతాదారులకు స్వల్పకాలిక వడ్డీ లేని క్రెడిట్ లిమిట్‌ను అందిస్తుంది. అర్హత ఆధారంగా ₹7,500 నుంచి ₹2 లక్షల వరకు BNPL రుణాన్ని పొందవచ్చు.
జెఫ్ట్ మనీ
క్రెడిట్ కార్డు లేకపోయినా ZestMoney యాప్ ద్వారా షాపింగ్ చేయవచ్చు. ₹2 లక్షల వరకు BNPL లిమిట్ అందుబాటులో ఉంటుంది.
సింపుల్
సింపుల్ యాప్ ఈఎంఐ ఎంపికలను అందించదు, అయితే నెలాఖరుకు బాకీ చెల్లించేందుకు అవకాశం ఇస్తుంది.
లేజీ పే
లేజీ పే యాప్ ద్వారా ఆన్‌లైన్, ఆఫ్‌లైన్ షాపింగ్ చేసేందుకు వీలుంది. చెల్లింపులను 15 రోజులకు ఒకసారి సెటిల్ చేయవచ్చు లేదా 3,6,9,12 నెలల ఈఎంఐ ఎంపికను ఎంచుకోవచ్చు.
BNPL ఉపయోగించే ముందు తెలుసుకోవాల్సిన విషయాలు
- కొన్నిసార్లు BNPL ప్రొవైడర్లు డౌన్ పేమెంట్ కోరవచ్చు.
- దాదాపు అన్ని BNPL ప్రొవైడర్లు క్రెడిట్ స్కోర్ ఆధారంగా రుణ పరిమితిని నిర్ణయిస్తారు.
- వాయిదాలు చెల్లించకపోతే ఆలస్యం ఛార్జీలు లేదా వడ్డీ వర్తించవచ్చు.
BNPL విధానం వినియోగదారులకు షాపింగ్‌ను సులభతరం చేస్తుంది. అయితే, కాల పరిమితిలో చెల్లింపులు పూర్తి చేయడం అనివార్యం.
